प्रिय - हेमा लेले ( प्रिय ह्या काव्यसंग्रहातून)

- प्रेम म्हणजे रे काय?
आयुष्य जगण्यासाठी जडवून घ्यावा लागतो असा छंद!
- नातं म्हणजे रे काय?
जे असूनही जाणवणार नाही असं!
- दिसणं म्हणजे रे काय?
जे बघितल्यावाचून कळत असं!
- गुंतून जाण म्हणजे रे काय?
जे स्वातंत्र्याच्या उंबरठ्याशी नेतं असं!
- सर्वस्व म्हणजे रे काय?
जे लुटल्यावरच आपण श्रीमंत होतो असं!
- वेडावण म्हणजे रे काय?
शहाणपणाची झींग उतरवत असं!
-आपलं म्हणजे रे काय?
जे दुरूनही दिलासा देतं असं!